Ito ang beat sabay-sabay.
Naka-Combo20 ako ngayon (promo ng Globe), Unlitxt + 50 minutes of Globe-to-Globe/TM calls. Dahil nga ayaw pa rin magbukas nung isang phone, ginagamit ko ‘yung phone ko. Lalo pa akong tinamad magtext. Eh paano na lang ‘yung 50 minutes call ko? Haay. Buhay. Kinakatamaran ko rin namang magtext at gumamit ng cellphone. Minsan nga, kulang na lang eh pati ang magmahal ay ikatamad ko na rin. Mahal mo siya tapos may mahal siyang iba… o kaya, mahal niyo ang isa’t isa pero pareho kayong mukhang tanga na hindi masabi sa isa’t isa ang nararamdaman niyo kasi alam niyo parehong hindi pwede sa kadahilanang hindi niyo rin parehong alam. Minsan gusto mo ng sabihin lahat-lahat pero natatakot kang mawala ‘yung kung anong espesyal na pagtitinginan o turingan ang mayroon kayo. Eh kung ganito lang din naman ang buhay pag-ibig, hala, papasok na ako sa seminaryo pagkatapos kong pumasa sa CPA Board Exam o kaya eh mag-a-apply ako bilang Lasallian Brother.
